پِھر آپ صَلَّی اللہُ عَلَیْہِ وَ آلِہٖ وَ سَلَّم پُرجوش انداز میں اللہ پاک کی شانیں بیان کرنے لگے، آپ صَلَّی اللہُ عَلَیْہِ وَ آلِہٖ وَ سَلَّم کے اِس کلام مُبارَک  کو سُن کر لکڑی کا بنا ہوا مِنْبَر مُبارَک  بھی جھومنے لگا، حُضُور صَلَّی اللہُ عَلَیْہِ وَ آلِہٖ وَ سَلَّم خطبہ دے رہے تھے اور مِنْبَر یُوں جھوم رہا تھا کہ ہمیں خطرہ ہو گیا کہ کہیں آپ صَلَّی اللہُ عَلَیْہِ وَ آلِہٖ وَ سَلَّم کو تکلیف نہ پہنچ جائے۔^([1])

اُس کی باتوں کی لذّت پہ لاکھوں درود                               اُس کے خطبے کی ہیبت پہ لاکھوں سلام^([2])

وضاحت: پیارے آقا صَلَّی اللہُ عَلَیْہِ وَ آلِہٖ وَ سَلَّم کی  مُبارَک  باتوں کی لذّت پر لاکھوں درود ہوں اور آپ کے رُعب دار خطبے پر لاکھوں سلام ہوں۔

مدّاحِ حبیب مولانا جمیلِ رضوی رَحمۃُ اللہِ عَلَیْہ لکھتے ہیں:

قرآن کلامِ باری ہے اور تیری زَباں سے جَارِی ہے

کیا تیری فصاحت پیاری ہے اور تیری بلاغت کیا کہنا...!!

باتوں سے ٹپکتی لذّت ہے، آنکھوں سے برستی رحمت ہے

خطبے سے  چمکتی  ہیبت  ہے  اے  شاہِ  رسالت  کیا  کہنا...!!^([3])

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

کیا شانِ عالی ہے

پیارے اسلامی بھائیو! یہاں غور کرنے کی ایک بات ہے۔ کلام کسے کہتے ہیں؟ ہمارے سینے میں، پھیپھڑوں کے اندر ہَوَا ہوتی ہے، جب ہم بولنے کا اِرادہ کرتے ہیں تو وہاں سے وہ