دُعائے عطّار

جو ٹیلی تھون میں حِصَّہ شامِل کریں، شیخِ طریقت، امیر اہلسنت دامت برکاتہم العالیہ نے ان کو دُعاؤں سے بھی نوازا ہے۔ آپ نے دُعا فرمائی: یارَبِّ مصطفےٰ! 3نومبر 2024ء کو جو دعوتِ اسلامی کے دینی کاموں کے لئے فنڈاکٹھا کرنے کے لیے ٹیلی تھون کا سلسلہ ہورہا ہے،یااللہ! ان میں یا ابھی سے جو کوئی حصہ ملائے،کم ازکم 1یونٹ جمع کروائے (جوکہ10ہزار کا ہے)یا کسی کو اس کی ترغیب دِلائے یا اس کے لئے بھاگ دوڑکرے ۔اے اللہ پاک !اس سے پہلے اس کو موت نہ دینا جب تک تیرے پیارے حبیب  صَلَّی اللہُ عَلَیْہِ وَ آلِہٖ وَ سَلَّم کا خواب میں جلوہ نہ دیکھ لے اور اس  کوماں باپ سمیت بے حساب مغفرت سےمشرف فرما ۔اٰمِیْن بِجَاہِ  خَاتَمِ النَّبِیّٖن صَلَّی اللہُ عَلَیْہِ وَ آلِہٖ وَسَلَّم

12 دینی کاموں میں سے ایک دینی کام:علاقائی دورہ

پیارے اسلامی بھائیو! نیک نمازِی بننے، گُناہوں سے بچنے ، درست اسلامی عقائد سیکھنے، سنتوں کا پابند بننے کے لئے عاشقانِ رسول کی دینی تحریک دعوتِ اسلامی کے دِینی ماحول کے ساتھ وابستہ ہو جائیے! 12 دِینی کاموں میں بھی خوب بڑھ چڑھ کر حصّہ لیجئے! اِنْ شَآءَ اللہُ الْکَرِیْم! دِین و دُنیا کی بےشُمار برکتیں نصیب ہوں گی۔ 12 دِینی کاموں میں ایک دِینی کام علاقائی دورہ بھی ہے۔   

*-حدیثِ پاک کا خُلاصہ ہے: جو قدم راہِ خُدا میں خاک آلود ہوں، انہیں جہنّم کی آگ نہیں چھوئے گی^([1]) *نیکی کی دعوت دینے، بُرائی سے منع کرنے کے لئے گھر سے نکلنا