وائبریشن ہماری تَوَجُّہ ہٹا رہی ہے، یہ تھوڑا سا وقت بھی اللہ پاک کی یاد کے لئے خالِص نہ ہوا تو بتائیے! ہم نے حاصِل کیا کِیا...؟ زندگی کن کاموں میں لگا دِی...؟

دو پَل تیری یاد کو مُیَسَّر نہیں کامِل                                                           کیا ہو گیا حال ہمارا یاالٰہی!

لگ جائے عبادت میں دل ہمارا                                                  کر دے کرم یاخُدا! یاالٰہی!

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

سب سے کٹ جاؤ...!!

اللہ پاک قرآنِ کریم میں فرماتا ہے:

وَ اذْكُرِ اسْمَ رَبِّكَ (پارہ:29، سورۂ مزمل:8)

تَرْجمۂ کَنْزُالعِرْفان: اور اپنے ربّ کا نام یاد کرو! 

یعنی اے حبیب صَلَّی اللہُ عَلَیْہِ وَ آلِہٖ وَ سَلَّم! آپ رات اور دن کے تمام اوقات میں اپنے ربّ کا نام یاد کرتے رہیں *چاہے وہ تسبیح اور کلمہ طیبہ پڑھنے سے ہو*نماز ادا کرنے *قرآنِ پاک کی تلاوت کرنے اور علم کادرس دینے کے ساتھ ہو۔ مزید فرمایا:

وَ تَبَتَّلْ اِلَیْهِ تَبْتِیْلًاؕ(۸) (پارہ:29، سورۂ مزمل:8)

تَرْجمۂ کَنْزُالعِرْفان: اور سب سے ٹوٹ کر اُسی کے بنے رہو!

یعنی اللہ پاک کی عِبَادت ایسی ہو کہ دِل اللہ پاک کے سوا اَوْر کسی کی یاد میں مَشْغُول نہ ہو، سب سے تعلق ختم ہو جائے، صِرْف و صِرْف اللہ پاک ہی کی طرف تَوَجُّہ رہے۔^([1])

کاش! ہمیں یہ سعادت مِل جائے۔ اتنی سی اللہ پاک کی محبّت تو دِل میں آ ہی جائے کہ سجدہ کریں تو دِل یادِ اِلٰہی میں ڈوباہُوَا ہو، اس کے سِوا کسی جانِب تَوَجُّہ نہ ہو۔

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد