Book Name:Shab e Meraj Aur Deedar e Ilahi
حدیثِ پاک میں ہے:اِنَّمَا الْاَعْمَالُ بِالنِّیَّات اعمال کا دار و مدار نیّتوں پر ہے۔([1])
اے عاشقان ِ رسول! اچھّی اچھّی نیّتوں سے عمل کا ثواب بڑھ جاتا ہے۔ آئیے! بیان سننے سے پہلے کچھ اچھّی اچھّی نیّتیں کر لیتے ہیں، نیت کیجئے!*رضائے الٰہی کے لئے بیان سُنوں گا*بااَدَب بیٹھوں گا* خوب تَوَجُّہ سے بیان سُنوں گا*جو سُنوں گا، اُسے یاد رکھنے، خُود عمل کرنے اور دوسروں تک پہنچانے کی کوشش کروں گا۔
صَلُّوا عَلَی الْحَبِیْب! صَلَّی اللہ تَعَالٰی عَلٰی مُحَمَّد
پیارے اسلامی بھائیو! الحمد للہ! آج شبِ معراج ہے۔ کیسی ایمان تازہ کر دینے والی بات ہے نا...!! آج کی رات ہمارے آقا کو معراج عطا ہوئی تھی۔ سُبْحٰنَ اللہ!
ہیں عرشِ بَریں پر جَلْوہ فگن محبوبِ خُدا سُبْحٰنَ اللہ! اِک بار ہُوا دِیدار جسے سَو بار کہا سُبْحٰنَ اللہ!
طالِب کا پتہ مَطْلُوب کو ہے مَطْلُوب ہے طالِب سے واقِف پَردے میں بُلا کر مِل بھی لئے پَردہ بھی رَہا سُبْحٰنَ اللہ!
ہے عَبْد کہاں مَعْبُود کہاں مِعْرَاج کی شب ہے راز نِہاں دو نُور حجابِ نُور میں تھے خود ربّ نے کہا سُبْحٰنَ اللہ!
سمجھے حامِدؔ اِنسان ہی کیا یہ راز ہیں حُسن و اُلْفَت کے خالِق کا حَبِیْبِی کہنا تھا خَلقت نے کہا سُبْحٰنَ اللہ! ([2])
مِعْراج کا ذِکْر سُن کر عاشقوں کے چہرے کِھل جاتے ہیں، خُوشی ہوتی ہے کہ ہمارے آقا و مولیٰ، مکی مدنی مصطفےٰ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کس نِرالی شان والے ہیں کہ اللہ پاک نے حضرت جبریلِ امین عَلَیْہ ِالسَّلام کو بھیج کر مَحْبُوب صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کو خُود بُلا کر *امامتِ انبیا کا شرف بھی بخشا*آسمانوں کی سیر بھی کروائی*جنّت کے مُشَاہِدات بھی کروائے*پِھر