دِیدارِ اِلٰہی کے بارے میں احادیثِ کریمہ

پیارے اسلامی بھائیو! ہمارے آقا ومولیٰ، مکی مَدَنی مصطفےٰ  صَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے شبِ معراج جاگتے ہوئے، اپنے سَر کی آنکھوں سے پُورے ہوش و حواس کے ساتھ اپنے رَبِّ کریم کا دِیدار کیا اور اس شان سے کیا کہ

مَا زَاغَ الْبَصَرُ وَ مَا طَغٰى(۱۷) (پارہ:27،النجم:17)

تَرْجمۂ کَنْزُالعِرْفان:آنکھ نہ کسی طرف پھری اور نہ حد سے بڑھی۔

*مسند امام احمد میں صحیح سند کے ساتھ حدیثِ پاک ہے، رسولُ اللہ  صَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے فرمایا: رَأَيْتُ رَبِّي تَبَارَكَ وَتَعَالٰی میں نے اپنے رَبّ کریم کو دیکھا۔^([1]) *امام دِیْلَمِی رَحْمَۃُ اللہِ تَعَالٰی عَلَیْہِ نے حضرت جابِر بن عبد اللہ رَضِیَ اللہ عنہسے روایت لکھی، سرکارِ عالی وقار، مکی مَدَنی تاجدار  صَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے فرمایا: اِنَّ اللَّهَ اَعْطٰى مُوسٰى الْكَلامَ ‌وَاَعْطَانِي ‌الرُّؤْيَةَ بےشک اللہ پاک نے موسیٰ عَلَیْہ ِالسَّلام کو اپنی ہم کلامی کا شرف بخشا اور مجھے دیدار کی نعمت عطا فرمائی۔^([2]) * حضرت عبداللہ بن مسعود رَضِیَ اللہ عنہسے روایت ہے: قَالَ رَسُوْلُ اللہ  صَلَّی اللہُ تَعَالٰی عَلَیْہِ وَاٰلِہٖ وَسَلَّمَ قَالَ لِیْ رَبِّی نَحَلْتُ ‌إِبْرَاهِيمَ ‌خُلَّتِي، وَكَلَّمْتُ مُوسٰی تَكْلِيمًا، وَأَعْطَيْتُکَ يامُحَمَّدُ كِفَاحًا یعنی رسول اللہ  صَلَّی اللہُ تَعَالٰی عَلَیْہِ وَاٰلِہٖ وَسَلَّمَ فرماتے ہیں: مجھے میرے ربِّ کریم نے فرمایا: میں نے ابراہیم کو اپنا خلیل بنایا، موسٰی کو ہم کلامی کا شرف بخشا اور اے پیارے مَحْبُوب  صَلَّی اللہُ تَعَالٰی عَلَیْہِ وَاٰلِہٖ وَسَلَّمَ ! آپ کو بغیر حجاب اپنے دِیدار کا شرف بخشا۔^([3])

سُبْحٰنَ اللہ! ان احادیث سے معلوم ہوا؛ جاگتے ہوئے، سر کی آنکھوں سے بغیر کسی