Book Name:Shab e Meraj Aur Deedar e Ilahi
پتا چلا؛ جو صحابۂ کرام رَضِیَ اللہ عنہم سے محبّت کرتے ہیں، جو عاشقانِ صحابہ ہیں، عاشقانِ اَہْلِ بیت ہیں، اِنْ شَآءَ اللہ الْکَرِیْم! پُل صراط سے بخیر و سلامتی گزر کر جنّت میں پہنچ جائیں گے۔
دو عالَم نہ کیوں ہو نثارِ صحابہ کہ ہے عرش منزلِ وقارِ صحابہ
امیں ہیں یہ قرآن و دینِ خدا کے مدارِ ہدیٰ اعتبارِ صحابہ
نمایاں ہے اسلام کے گلستاں میں ہر اِک گُل پہ رنگِ بہارِ صحابہ
کمالِ صحابہ، نبی کی تمنا جمالِ نبی ہے قرارِ صحابہ
*-*-*-*
ہر صحابئ نبی! جنّتی جنّتی سب صحابیات بھی! جنّتی جنّتی
چار یارانِ نبی! جنّتی جنّتی حضرتِ صدیق بھی! جنّتی جنّتی
اور عُمر فاروق بھی ! جنّتی جنّتی عُثمانِ غنی! جنّتی جنّتی
فاطمہ اور علی! جنّتی جنّتی ہیں حَسَن حُسین بھی! جنّتی جنّتی
والِدَیْنِ نبی! جنّتی جنّتی ہر زوجۂ نبی! جنّتی جنّتی
اور ابو سُفیان بھی! جنّتی جنّتی ہیں مُعاویہ بھی! جنّتی جنّتی
صَلُّوْا عَلَی الْحَبیب! صَلَّی اللّٰہُ عَلٰی مُحَمَّد
پیارے اسلامی بھائیو! معراج کی رات اُس خاص تنہائی میں مزید کیا کیا باتیں ہوئیں؟ روایات میں ہے: اللہ پاک نے فرمایا: اے پیارے مَحْبُوب صَلَّی اللہُ تَعَالٰی عَلَیْہِ وَاٰلِہٖ وَسَلَّمَ !جب تک آپ جنّت میں داخِل نہ ہو جائیں، اس وقت تک سب نبیوں کے لئے جنّت کا داخِلہ منع ہے اور جب تک آپ کی اُمّت جنّت میں داخِل نہ ہو جائے، سب اُمّتوں پر جنّت کا داخِلہ حرام ہے۔ ([1])