دِیْدَارِ اِلٰہی کا بیان قرآنِ کریم میں

پیارے اسلامی بھائیو! محبوبِ ذیشان  صَلَّی اللہُ تَعَالٰی عَلَیْہِ وَاٰلِہٖ وَسَلَّمَ اللہ پاک کے حُضُور خلوتِ خاص (یعنی خاص تنہائی) میں کیسے پہنچے، وہاں کیا ہوا، قرآنِ کریم میں اسے بڑی خوبصُورتی کے ساتھ بیان کیا گیا ہے۔ اِرْشاد ہوتا ہے:

فَاسْتَوٰىۙ(۶) وَ هُوَ بِالْاُفُقِ الْاَعْلٰىؕ(۷) (پارہ:27، سورۂ نجم:6-7)

                                                                                                                                                                                                                                                تَرْجمۂ کَنْزُالعِرْفان: پھر اس نے قصد فرمایا۔
اس حال میں کہ وہ آسمان کے سب سے بلند کنارہ پر تھے۔

اُفُقِ اَعْلیٰ یعنی آسمانوں کا بلند تَرِین کِنَارہ۔ مطلب یہ ہے کہ جب پیارے آقا، مکی مدنی  مصطفےٰ  صَلَّی اللہُ تَعَالٰی عَلَیْہِ وَاٰلِہٖ وَسَلَّمَ  اُفُقِ اَعْلیٰ  پر پہنچے تو جَلْوۂ نُورِ اِلٰہی آپ کی طرف مُتَوَجِّہ ہوا۔پِھر کیا ہوا؟

ثُمَّ دَنَا فَتَدَلّٰىۙ(۸)     (پارہ:27، سورۂ نجم:8)

تَرْجمۂ کَنْزُالعِرْفان: پھر وہ جلوہ قریب ہوا پھر اور زیادہ قریب ہوگیا۔

یعنی اللہ رَبُّ العزّت اپنے لطف و رحمت کے ساتھ اپنے حبیب  صَلَّی اللہُ تَعَالٰی عَلَیْہِ وَاٰلِہٖ وَسَلَّمَ سے قریب ہوا اور اس قرب میں زیادتی فرمائی۔^([1])

مرحبا! مرحبا!                                          صاحبِ معراج                             رحمتِ کبریا!                                        صاحبِ معراج

لطفِ حق ہو گیا!                       صاحبِ معراج                             شاہِ ہر دو سرا!                               صاحبِ معراج

تم کو معراج کا!                              صاحبِ معراج                             حق سے مژدہ ملا!                      صاحبِ معراج

ہو مبارک شہا!                                 صاحبِ معراج                             یا شفیعَ الوریٰ!                                 صاحبِ معراج

صَلُّوا عَلَی الْحَبِیْب!                                               صَلَّی اللہ تَعَالٰی عَلٰی مُحَمَّد