کہ ہم *اپنی نماز کا جائزہ لیں *نماز کے ظاہری و باطنی آداب سیکھیں اور *اپنا وُضو و غسل وغیرہ بھی دُرُست کرلیں۔ اگر صحیح معنوں میں باوُضو با طہارت خشوع و خضوع کے ساتھ اس کے تمام تر ظاہری و باطنی آداب کودھیان میں رکھ کر ہم نماز پڑھیں گے تو اِنْ شَآءَ اللہُ الْکَرِیْم! ضرور اس کی برکتیں ظاہر ہوں گی اور درست پڑھی جانے والی نماز کی بَرَکت سے واقعی گناہوں کی ظاہری و باطنی گندگیاں دُور ہوجائیں گی اور ہم نیک صورت، نیک سِیرت مسلمان بن جائیں گے اور ہمارا پورا کردار سنتوں کا آئینہ دار بن جائے گا،اِنْ شَآءَ اللہُ الْکَرِیْم!

کیوں  نمازی جہنّم میں جائے بھلا!                                                       اس کو دِلوائے گی باغِ جنّت نماز

جو مسلمان پانچوں نمازیں پڑھیں                                                         لے چلے گی انہیں سُوئے جنّت نماز

ہو گی دُنیا خراب، آخرت بھی خراب                                    بھائیو! تم کبھی چھوڑنا مت نماز

اب ذہن میں سُوال اُبھر رہا ہو گا کہ نماز کے ظاہِری باطنی آداب ہیں کیا کیا...؟ کیسے سیکھیں گے؟ کہاں سے سیکھیں گے؟ اس کے لئے چند ایک آدابِ نماز تو میں عرض کر دیتا ہوں، باقی یہ ہے کہ نماز اور اس کے ظاہِری باطنی آداب سیکھنے کے لئے ہمیں باقاعِدہ وقت نکالنا چاہئے *الحمد للہ! دعوتِ اسلامی کے دِینی ماحول میں باقاعدہ فیضانِ نماز کورس کروایا جاتا ہے، 7 دِن کا کورس ہے، رہائشی بھی کروایا جاتا ہے اور جُزوقتی بھی ہوتا ہے، اس کورس میں نماز کے احکام و مسائِل سکھائے جاتے ہیں، یہ کورس کر لیجئے! اِنْ شَآءَ اللہُ الْکَرِیْم! نماز کے تعلق سے بہت سارا عِلْمِ دِین سیکھنے کو ملے گا *شیخ طریقت، امیر اہلسنت مولانا الیاس عطّار قادری دَامَتْ بَرَکاتُہمُ العالیہ کی بہت پیاری کتاب ہے: فیضانِ نماز۔ 600 سے کچھ کم صفحات کی کتاب ہے، اسے پڑھیئے! نماز کے تعلق سے ایسی ایسی معلومات اس میں دِی گئی