آخری طواف پورا کر لیتا ہے تو اس کیلئے کیا ثواب ہے؟ انصاری صحابی رَضِیَ اللہُ عنہ نے عرض کیا: اے اللہ پاک کے نبی صلی اللہُ عَلَیْہِ وَ آلِہٖ وَسَلَّم !اُس ذات کی قسم! جس نے آپ کو سچا نبی بنا کر بھیجا،بے شک آپ نے سارے سُوال درست ارشاد فرمائے، اب ان کے جواب بھی عطا فرما دیجئے، رسولِ اکرم، نورِ مُجَسَّم صلی اللہُ عَلَیْہِ وَ آلِہٖ وَسَلَّم نے فرمایا: *جب حاجی اپنے گھر سے نکلتا ہے تو اس کی سواری کے ہر قدم کے بدلے اس کیلئے ایک نیکی لکھی جاتی ہے * اس کا ایک گناہ مُعَاف کر دیا جاتا ہے*جب وہ میدانِ عرفات میں ٹھہرتا ہے تو اللہ پاک اپنی شان کے لائق آسمانِ دنیا پر تجلّی فرماتا ہے اور فرماتا ہے: اے فرشتو! گواہ ہو جاؤ !میں نے ان کے گناہ معاف کر دئیے اگرچہ بارش کے قطروں اور ریت کے ذرّوں کے برابر ہوں۔

سرکارِ مکّہ، سردارِ مدینہصَلَّی اللہُ عَلَیْہِ وَ آلِہٖ وَ سَلَّم نے مزید فرمایا: *جب حاجی رمیِ جَمَرات کرتا (یعنی شیطانوں کو کنکر مارتا) ہے تو قیامت تک اس کا ثواب کوئی نہیں جان سکتا*جب وہ اپنا سر مُنْڈواتا ہے تو اس کے سَر سے گِرنے والےہر بال کے بدلے قیامت کے دن نور ہو گا *اور جب حاجی کعبہ شریف کا آخری طواف کرتا ہے تو گُناہوں سے ایسے پاک ہو جاتا ہے ، جیسا اُس دن تھا جب اس کی ماں نے اسے جنم دیا تھا۔^([1])

سُبْحٰنَ اللہ!پیارے اسلامی بھائیو!غور فرمائیے! حج کرنے کے کیسے زبردست فضائل ہیں*حاجی گھر سے نکلتا ہے تو اس کے ہر قدم پر ایک نیکی لکھی جاتی ہے*ایک گناہ مٹا دیا جاتا ہے*میدانِ عرفات میں اس کے سارے گناہ مُعاف کر دیے جاتے ہیں*حاجی جب شیطان کو کنکرمارتا ہے تو اس کو بے شمار اَجْر عطا کیا جاتا ہے*حاجی بال مُنْڈواتا ہے تو ہر ہر بال کے بدلے روزِ قیامت ایک نُور عطا کیا جائے گا*حاجی جب کعبےکا آخری طواف کرتا