حج سے بھی ناراض ہے،یہود و نصاریٰ سے بھی ناراض ہے۔ہاں! دونوں ناراضیوں میں فرق ہے۔ اور اگر کوئی ایسا شخص ہے جو حج کرتا بھی نہیں ہے اور حج کی فرضیت کا بھی انکار کرتا ہے تو وہ بندہ کافر ہو جائے گا اور اس کے اور اہل ِکتاب کے کفر میں کوئی فرق نہیں رہے گا۔^([1])

شَرَف دے حج کامجھے میرے کبریا یاربّ!   روانہ سُوئے مدینہ ہو قافِلہ یاربّ!

دکھا دے ایک جھلک سبز سبز گنبد کی            بس اُن کے جلووں میں آجائے پھر قضا یاربّ!

بَوقتِ نَزع سلامت رہے مِرا ایماں            مجھے نصیب ہو توبہ ہے التجا یاربّ!^([2])

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

سُوال بھی خود بتائے اور جواب بھی دئیے

اِبْنِ حَبّان کی روایت ہے، ایک مرتبہ ایک انصاری صحابی پیارے آقا، مکی مَدَنی مصطفےٰ صَلَّی اللہُ عَلَیْہِ وَ آلِہٖ وَ سَلَّمکی خدمت میں کچھ سُوال پوچھنے کیلئے حاضِر ہوئے، اللہ پاک کے آخری نبی، رسولِ ہاشمی صَلَّی اللہُ عَلَیْہِ وَ آلِہٖ وَ سَلَّم نے فرمایا:اگر تم چاہو تو تم مجھ سے سُوال کرو!اور اگر چاہو تَو میں ہی تمہیں تمہارے سُوال بھی بتاؤں اور اِن کے جواب بھی بتا دوں۔ صحابی رَضِیَ اللہُ عنہ نے عَرْض کیا:یَا رسولَ اللہ صَلَّی اللہُ عَلَیْہِ وَ آلِہٖ وَ سَلَّم! آپ ہی ارشاد فرمائیےکہ میں کیا پوچھنے آیا ہوں؟ آقا کریم، رَؤوُفُ رَّحیم صَلَّی اللہُ عَلَیْہِ وَ آلِہٖ وَ سَلَّم نے فرمایا :تم پوچھنے آئے ہو کہ *جب حاجی اپنے گھر سے نکلتا ہے تو اس کے لئے کیا ثواب ہے؟*جب وہ میدانِ عَرفات میں ٹھہرتا ہے تو اس کیلئے کیا ثواب ہے؟ *جب وہ رمیِ جَمَرات کرتا (یعنی شیطانوں کو کنکر مارتا) ہے تو اُس کے لئے کیا ثواب ہے؟*جب حاجی سر مُنْڈواتا ہے تو اس کیلئے کیا ثواب ہے؟ *جب حاجی