اَلْحَمْدُ لِلہِ رَبِّ الْعٰلَمِیْنَ وَالصَّلٰوۃُ وَالسَّلَامُ عَلٰی خَاتَمِ النَّبِیّٖن

اَمَّا بَعْدُ! فَاَعُوْذُ بِاللہِ مِنَ الشَّیْطٰنِ الرَّجِیْمِ بِسْمِ اللہِ الرَّحْمٰنِ الرَّحِیْمِ

اَلصَّلٰوۃُ وَالسَّلَامُ عَلَیْکَ یَارَسُوْلَ اللہ                                                                  وَعَلٰی آلِکَ وَاَصْحٰبِکَ یَاحَبِیْبَ اللہ

اَلصَّلٰوۃُ وَالسَّلَامُ عَلَیْکَ یَانَبِیَّ اللہ                                                                                وَعَلٰی آلِکَ وَاَصْحٰبِکَ یَانُوْرَ اللہ

نَوَیْتُ سُنَّتَ الْاِعْتِکَاف                                                                                                                (ترجمہ: میں نے سُنَّت اعتکاف کی نِیَّت کی)

 دُرُود  پاک کی فضیلت

فرمانِ آخری نبی، رسولِ ہاشمیصَلَّی اللہُ عَلَیْہِ وَ آلِہٖ وَ سَلَّم : فرض حج کر و!بے شک اِ س کا ثواب  20غَزْ وات میں شرکت کرنے سے زیادہ ہے اورمجھ پر ایک مرتبہ  دُرُود  پاک پڑھنا اِس کے برابر ہے۔^([1])

بچاوے تم کو جو دوزخ سے ایسے مُحسن پر

سدا سلام کہو، عمر بھر  دُرُود  پڑھو

عَبث گُناہوں کی شَامت میں مارے پھرتے ہو

خُدا   کی  تم  پہ  ہو  رحمت،  اگر   دُرُود   پڑھو^([2])

وضاحت: جہنّم کی آگ سے بچا کر جنّت میں داخل کروانے والے، احسان فرمانے والے آقا صَلَّی اللہُ عَلَیْہِ وَ آلِہٖ وَ سَلَّم    کی بارگاہ میں ساری عمر  دُرُود  و سلام کے نذرانے پیش کرتے رہو، اگر شامتِ اَعْمال سے مشکلات کے شِکار و پریشان ہوتَو دُرود پڑھو!اللہ پاک کی رحمت کے حق دار ہو جاؤ گے۔

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد