Book Name:Data Huzoor Aur Fikr e Akhirat
د سائنسي آلاتو پۀ ذريعه سپوږمۍ ته ورسيدله، دا هم د الله پاک عطا ده، اوليائے کرام رُوحاني اوچت والي ته وه رسيدل، دا هم د الله پاک عطا ده، سائنس د سټيلائيټ (Satellite) پۀ ذريعه ټوله دُنيا پۀ يو پيج وښودله، دا هم د الله پاک پۀ عطا کړے شوي طاقت سره دي، دَاتا حُضُور رَحْمَةُ اللهِ عَلَيْه پۀ خپل رُوحاني طاقت سره د لاهور نه کعبه وښودله، دا هم د الله پاک پۀ عطا سره دي.
لکه څنګه چې سپوږمۍ ته رسيدل پۀ ذِهن کښې راځي، د سټيلائيټ پۀ ذريعه ټوله دُنيا پۀ ګوګل ميپ (Google map) باندې کتل پۀ ذِهن کښې راځي، پۀ دې باندې اعتراض ناداني ده، هم داسې د اوليائے کرامو پۀ کراماتو باندې اعتراض کول هم ناداني ده، ولې چي پۀ دې دواړو پسې چې کوم طاقت دے، هغه الله پاک عطا کړے دے او
وَ مَا كَانَ عَطَآءُ رَبِّكَ مَحْظُوْرًا(۲۰) (پارہ:15، بنی اسرائیل:20)
ترجمهٴ کنزُ العِرفان: او ستا د رَبّ پۀ ورکړه هيڅ بنديز نشته.
خوږو او محترمو اِسلامي وروڼو! وضاحت وکړم چې پۀ سائنسي ايجادونو او د اوليائے کرامو پۀ کراماتو کښي د زمکې او اسمان فرق دے، د دوئي پۀ خپل مينځ کښي هيڅ مطابقت نه جوړيږي، پۀ سائنس کښې ترقي خو غير مسلمه هم کولے شي خو د کراماتو ظاهريدل صرف او صرف د نيک پرهيزګاره مؤمِن ولئ کامِل نه کيدے شي. د وئيلو مقصد صرف دومره دے چې د دُنيا طلبګارو ته د دُنيا د ترقۍ طاقت هم الله پاک عطا کړے دے او آخرت غوښتونکو اوليائے ته د کراماتو انعام هم رَبِّ رحمان عطا کړے دے، لہٰذا چې څنګه خلق سائنسي ايجادات پۀ خاموشۍ سره مني، هم داسې د اوليائے کرامو پۀ کرامات باندې هم پوخ ايمان ساتل ضروري دي. الله پاک دې زمونږه صحيح پوهه نصيب کړي. اٰمِین بِجَاہِ خَاتَمِ النَّبِیِّيْن صَلَّى اللهُ عَلَيْهِ وَاٰلِهٖ وَسَلَّم.
خوږو او محترمو اِسلامي وروڼو! دا خبره خو ضمناً راغله، کوم آيتونه چې مونږ