سان اهي 3 ڳالهيون بيان ڪندو رهي * ۽ پنهنجي عضون کي هر وقت انهن ۾ مصروف رکي^([1]) الله پاڪ اسان کي عمل جي توفيق عطا فرمائي.

اٰمِين بِجَاهِ خَاتَمِ النَّبِيّٖن صَلَّى اللّٰهُ عَلَيۡهِ واٰلِهٖ وَسَلَّم

(2)  ٻي بنياد: قلبِ سليم

پيارا اسلامي ڀائرو! سلسلي عاليه قادريه جي ٻي بنياد قلبِ سليم آهي. الله پاڪ قرآن ڪريم ۾ ارشاد فرمائي ٿو:

یَوْمَ لَا  یَنْفَعُ  مَالٌ  وَّ  لَا  بَنُوْنَ (ۙ۸۸)  اِلَّا  مَنْ  اَتَی اللّٰہَ  بِقَلْبٍ سَلِیْمٍ (ؕ۸۹)

ترجموڪنزالعرفان: جنهن ڏينهن نه مال ڪم ايندو ۽ نه پٽ. پر اهو جيڪو الله جي حضور سلامت دل سان حاضر ٿيندو.

(پارہ:19، شعراء:88-89)

معلوم ٿيو ته قيامت جي ڏينهن نه مال ڪم ايندو، نه اولاد ڪم ايندي، قيامت جي ڏينهن قلبِ سليم ئي ڪم ايندو. قلبِ سليم ڇا هوندو آهي؟ * اها دل جيڪا ڪفر ۽ شرڪ کان پاڪ هجي * جنهن دل ۾ بدعقيدگي نه هجي* اها دل جيڪا اندروني بيمارين کان پاڪ هجي * جنهن ۾ حسد نه هجي * بغض نه هجي * ڪينو نه هجي * دنيا جي محبت نه هجي، اهڙي پاڪيزه دل وارو قيامت جي ڏينهن ڪامياب ٿيندو.