سندس هٿ پڪڙي وٺندو آهي،^([1]) يعني الله پاڪ سندس مددگار ٿيندو آهي جو ان کي هلاڪت ۾ پوڻ کان بچائي وٺندو آهي^([2]).* جنت سخي ماڻهن جو گهر آهي. ^([3])* سخي الله پاڪ جي ويجهو آهي، جنت جي ويجهو آهي، ماڻهن جي ويجهو آهي باهه کان پري آهي. ^([4])   

(4) چوٿين بنياد: خيرخواهي

  پيارا اسلامي ڀائرو! سلسلي عاليه قادريه جي چوٿين بنياد خيرخواهي آهي، يعني الله پاڪ جي مخلوق لاءِ هميشه خير ئي چاهڻ، ڪنهن جي باري ۾ به اسان جي دل ۾ بُرائي نه اچي، اسان صرف سڀني جي لاءِ ڀلائي جا ئي طلبگار آهيون. حديث پاڪ ۾ آهي: خَیْرُالنَّاسِ مَنْ یَّنْفَعُ النَّاسَ يعني ماڻهن ۾ سڀ کان بهتر اهو آهي، جيڪو ماڻهن کي نفعو پهچائي.^[5]

نفعو ڏيڻ وارا بڻجي وڃو!

  هڪ تمام خوبصورت حديث پاڪ مان اوهان کي ٻڌايان ٿو. صحابي ابن صحابي حضرت عبد الله بن عمر رَضِىَ اللهُ عَنْهُما هن حديث جا راوي آهن. سندن فرمائن ٿا: هڪ ڏينهن اسان پياري آقا، مڪي مدني مصطفى صَلَّى اللّٰهُ عَلَيۡهِ واٰلِهٖ وَسَلَّم  جي خدمت ۾ حاضر هئاسين، پاڻ ڪريم صَلَّى اللّٰهُ عَلَيۡهِ واٰلِهٖ وَسَلَّم صحابہ ڪرام رَضِىَ اللهُ عَـنْهُم کان هڪ سوال پڇيو، فرمايائون: اِنَّ مِنَ الشَّجَرِ شَجَرَةً لاَ يَسْقُطُ وَرَقُهَا، وَ اِنَّهَا مَثَلُ المُسْلِمِ،