کړي، دا هم حق دے. ^([1])

د اولاد حقونه وړومبے، وروستو د مور پلار

خوږو او محترمو اِسلامي وروڼو! دا هر څۀ پۀ خپل ځائے باندې بالکل صحيح دي خو زۀ چې دلته کوم طرف ته ستاسو پام راګرځول غواړم، هغه دا دے چې مور پلار دې غور وکړي چې آيا مونږ د اولاد حقونه ادا کوو؟ وړومبۍ ذِمه واري د مور پلار ده، د اولاد ذمه واري وروستو شروع کيږي *ماشوم پيدا شو، د مور پلار ذمه واري شروع شوه *بيا به ماشوم لوئي کيږي، بالغ کيږي به، نو بيا به د هغۀ ذمه وارۍ شروع کيږي. معلومه شوه چې وړومبے د مور پلار ذمه واري ده، ځکه حضرت عمر فاروقِ اعظم رَضِىَ اللهُ عَـنْهُ د نافرمانه زوي والد ته وفرمائيل چې وړومبے نافرماني تا کړې ده چې د دۀ صحيح تربيت دې ونکړو، ستا زوي وروستو کړې ده.

 د اولاد د تربيت قرآني حُکم

الله پاک پۀ قرآنِ کريم کښې فرمائي:

یٰۤاَیُّهَا الَّذِیْنَ اٰمَنُوْا قُوْۤا اَنْفُسَكُمْ وَ اَهْلِیْكُمْ نَارًا وَّ قُوْدُهَا النَّاسُ وَ الْحِجَارَةُ (پارہ:28، سورۀ تحریم:6)

ترجمهٴ کنزُ العِرفان: اے ايمان والؤ! خپل ځانونه او د خپل کور کسان د هٰغه وور نه بچ کړئ د کوم خشاک چې انسانان او کاڼي دي.

دا حُکم مور پلار ته ورکړے شوے دے، څنګه چې ماشوم پيدا شي، د اولاد پلار شوې، دا حکم ستاسو طرف ته متوجه شو، بيا د غور کولو خبره ده چې آيا مونږه د قرآن دا حُکم منلے دے؟ آيا مونږه د خپل اولاد ښه تربيت