اَلْاَمَان وَالْحَفِیْظ...!! خوږو او محترمو اِسلامي وروڼو! واقعي ده چې دا شرعي مسئله ده، څوک چې د عالِم سره د هغۀ د عِلمِ دِين پۀ وجه بغض کوي، هغۀ د اِسلام نه ووځي۔ ځکه مونږ له پکار دي چې هميشه د ټولو عاشقانِ رسول علمائے کرامو او د ټولو اوليائے کرامو ادب کوو، د چا پۀ باره کښې هم څۀ سپکه خبره نۀ کوو۔

تقليد واجب دے

  خوږو او محترمو اِسلامي وروڼو! دلته يوه شرعِي مسئله هم پۀ ذهن کښې ساتئ چې تقليد يعنې پۀ اَئِمَّۂ مُجْتَہِدِیْن و کښې د يو تابعداري کول واجب دي، ضروري دي۔ الله پاک پۀ قرآنِ کريم کښې فرمائي:

یٰۤاَیُّهَا الَّذِیْنَ اٰمَنُوْۤا اَطِیْعُوا اللّٰهَ وَ اَطِیْعُوا الرَّسُوْلَ وَ اُولِی الْاَمْرِ مِنْكُمْۚ              (پارہ:5، سورۀ نساء:59)

ترجمهٴ کنزُ العِرفان: اے ايمان والؤ! د الله فرمانبرداري وکړئ او د رسول فرمانبرداري وکړئ او د هغوئي څوک چې پۀ تاسو کښې حکومت والا دي۔ 

د دې آيت پۀ تفسير کښې دي چې دلته د اُولیِ الاَمرِ (يعنې حکومت کوونکو) نه مُراد عالِمان او فقهائے کرام دي۔ ^([1])

پۀ تفسيرِ نعيمي کښې دي: يعنې اے ايمان والؤ۔۔۔!! که چرې ستاسو پۀ څۀ مسئله کښې اختلاف پيدا شي او هٰغه مسئله پۀ کتاب او سُنَّت کښي ميلاؤ نشي نو تاسو د اُولیِ الاَمرِ (يعنې د اُمَّت د عالمانو) پيروي وکړئ [يعنې پۀ هغوئي پسې روان شئ]۔۔۔!! د قرآنِ کريم مشهور مفسر، حکيم الاُمّت مفتي احمد يار خان نعيمي رَحْمَۃُ اللہِ تَعَالٰی عَلَیْہِ  پۀ دې خبره د يو مثال پۀ ذريعه پوهه کړي يو او ليکلي يـې دي: که چرې تاسو له د لامبو وهلو چل نۀ درځي نو