قرار دیا ہے لہٰذا جو شخص رَمضان میں روزے رکھے اور ایمان کے ساتھ اورحصولِ ثواب کی نیت سے قیام کرے (یعنی تراویح پڑھے) تو وہ اپنے گناہوں سے ایسے نکل گیا جیسے اس کی ماں نے اسے جنا تھا۔^([1])

یاد رکھئے! تراویح  مرد و عورت  سب کے لئے بالاجماع سُنتِ مؤکدہ ہے۔^([2])  اس میں ہر گز سستی نہ کی جائے۔

صَلُّوْا عَلَی الْحَبیب!                                                                                               صَلَّی اللّٰہُ عَلٰی مُحَمَّد

قبر میں کام آنے والا چوتھا نیک عمل: ذکرِ الٰہی

پیارے اسلامی بھائیو!  فقیہ ابو اللیث سمر قندی رَحمۃُ اللہِ عَلَیْہ نے قبر میں کام آنے والے جو 4 اَعْمَال بتائے، ان میں چوتھا عمل ہے: ذِکْرُ اللہ کی کثرت کرنا۔ یہ بھی بہت پیارا، بڑی فضیلت والا نیک عَمَل ہے۔ ہمارے آقا و مولیٰ، مُحَمَّد مصطفےٰ  صلی اللہُ عَلَیْہِ وَ آلِہٖ وَ سَلَّم  نے فرمایا: جب بھی لوگ ذِکْرُ اللہ کے لئے جمع ہوتے ہیں تو فرشتے انہیں ڈھانپ لیتے ہیں، اللہ پاک کی رحمت انہیں  آغوش میں لے لیتی ہے اور ان پر سکینہ نازِل ہوتا ہے۔^([3]) 

      ذِکْرُ اللہ کی کثرت کرنے کے بڑے فائدے ہیں *کثرتِ ذِکْر سے دِل میں نُور پیدا ہوتا ہے *کثرتِ ذِکْر سے قربِ خُدا ملتا ہے* کثرتِ ذِکْر سے گُنَاہ مٹتے ہیں* کثرتِ ذِکْر انبیائے کرام  عَلَیْهِمُ السَّلَام  کی سُنّت ہے *کثرتِ ذِکْر سے دِلوں کا زَنگ دُور ہوتا ہے*  کثرتِ ذِکْر سے دُنیا میں امن ملتا ہے *اور کثرتِ ذِکْر کی برکت سے قبر روشن ہوتی ہے۔