Book Name:Kar Saman Chalne Ka
موت کا دیکھو اعلان کرتا ہوا سُوئے گورِغریباں جنازہ چلا
کہتا ہے، جامِ ہستی کو جس نے پیا وہ بھی میری طرح قَبر میں جائیگا
تم اے بوڑھو سنو! نوجوانو سنو! اے ضَعیفو سنو! پہلوانو سنو!
موت کو ہر گھڑی سر پہ جانو سُنو جلد توبہ کرو میری مانو سنو!
جس کا سنسار میں ہو گیا ہے جنم رب کی ناراضیوں سے بچے دم بہ د م
ورنہ پچھتائے گا قبر میں لا جَرَم ہو گا برزخ میں رنج اُس کو دوزخ میں غم
فلم بِینی کا تم مَشغَلہ چھوڑ دو سارے آلاتِ لَہو و لَعِب توڑ دو
بھائیو! سب گناھوں سے منہ موڑ دو ناتا تم نیکیوں ہی سے بس جوڑ دو
ایک دن موت آکر رہے گی ضَرور اس کو تم مجرِمو! کچھ سمجھنا نہ دور
بعدِ مُردَن نہ پاؤ گے کوئی سُرور ایسے ہو جائے گا خاک سارا غُرور([1])
دُنیا کی مثال پھٹے ہوئے کپڑے جیسی ہے
پیارے اسلامی بھائیو! بات واقعی سچّی ہے، ہم آج جنازے اُٹھتے دیکھتے ہیں، لوگوں کو قبروں میں اُترتے دیکھتے ہیں، قبرستان کی آبادی مسلسل بڑھ رہی ہے، ہمارے ساتھ رہنے والے، ساتھ اُٹھنے بیٹھنے والے ایک ایک کر کے دُنیا سے چلے جا رہے ہیں، وقت ہمارے پاس بھی زیادہ نہیں ہے، موت بس آنے ہی والی ہے۔ آخری نبی، رسولِ ہاشمی صلی اللہُ عَلَیْہِ وَ آلِہٖ وَ سَلَّم نے فرمایا: مَثَلُ هَذِهِ الدُّنْيَا مَثَلُ ثَوْبٍ شُقَّ مِنْ أَوَّلِهِ إِلَى آخِرِهِ یعنی اس دُنیا کی مثال ایک کپڑے جیسی ہے اور کپڑا بھی وہ کہ جو شروع سے آخر تک کٹا ہوا ہے