Mujhe Bakhsh De Be Sabab Ya Ilahi

اَلْحَمْدُ لِلّٰہِ رَبِّ الْعٰلَمِیْنَ وَالصَّلٰوۃُ وَالسَّلَامُ عَلٰی سَیِّدِ الْمُرْسَلِیْن ^ط اَمَّا بَعْدُ! فَاَعُوْذُ بِاللّٰہِ مِنَ الشَّیْطٰنِ الرَّجِیْم ^ط بِسْمِ اللّٰہِ الرَّحْمٰنِ الرَّحِیْم ^ط

فرمانِ مصطفےٰ  صلَّی اللہ علیہ واٰلہٖ وسلَّم  ہے :

جو مجھ پر ایک بار دُرُود شریف پڑھتا ہے اللہ اُس کے لئے ایک قیراط اجر لکھتا ہے اور قیراط احد پہاڑ جتنا ہے۔

(مصنف عبد الرزاق ، 1 / 39 ، حدیث : 153)

ماہنامہ فروری 2021

مناجات

مجھے بخش دے بے سبب یا الٰہی

مجھے بخش دے بے سبب یاالٰہی

نہ کرنا کبھی بھی غضب یاالٰہی

پئے شاہِ بطحا مِری چُھوٹ جائیں

بُری عادتیں سب کی سب یاالٰہی

میں مکّے میں آؤں مدینے میں آؤں

بنا کوئی ایسا سبب یاالٰہی

دِکھا دے بہارِ مدینہ دِکھا دے

پئے تاجدارِ عرب یاالٰہی

کبھی تو مجھے خواب میں میرے مولیٰ

ہو دیدارِ ماہِ عرب یاالٰہی

نظر میں محمد کے جلوے بسے ہوں

چلوں اس جہاں سے میں جب یاالٰہی

گناہوں سے عطّاؔر کو دے معافی

کرم کر ، نہ کرنا غضب یاالٰہی

از شیخِ طریقت امیرِ اہلِ سنّت  دَامَتْ بَرَکَاتُہُمُ الْعَالِیَہ

وسائلِ بخشش(مُرَمَّم) ، ص107