Book Name:Usman e Ghani Ke Akhlaq
2 فرامینِ مصطفےٰ صَلّی اللہ عَلَیْہِ وَآلِہٖ وَسَلَّم: (1)گوشت دُنیا اور آخرت کے کھانوں کا سردار ہے۔([1]) (2)گوشت کو چُھری سے کاٹ کر نہیں (بلکہ دانتوں سے )نوچ کر کھاؤ ، یہ زیادہ خُوشگوار ہے۔([2])
پیارے اسلامی بھائیو!حلال گوشت کھانا بھی سنّتِ مصطفےٰ صَلَّی اللہ عَلَیْہِ وَ آلِہٖ وَ سَلَّم ہے، علمائے کرام فرماتے ہیں:گوشت پیارے آقا، مکی مَدَنی مصطفےٰ صَلَّی اللہ عَلَیْہِ وَ آلِہٖ وَ سَلَّم کا پسندیدہ ترین کھانا تھا ۔ ([3]) * بکری، مرغی، اُونٹ، خَر گوش، اور مچھلی کا گوشت کھانا ، آخری نبی ، رسولِ ہاشمی صَلَّی اللہ عَلَیْہِ وَ آلِہٖ وَ سَلَّم سے ثابت ہے۔([4]) * آپ صَلَّی اللہ عَلَیْہِ وَ آلِہٖ وَ سَلَّم کو بکری کی گردن، ([5]) بازو (یعنی اگلی ٹانگوں)، ([6])اور اس کی رَان کا گوشت کھانا پسند تھا۔([7])
گوشت کے فائدے اور احتیاطیں: * علامہ احمد بن محمد قَسْطَلانی رَحمۃُ اللہ عَلَیْہ لکھتے ہیں: بکری کا ہلکا ترین گوشت؛ گردن، بازو اور کندھوں کا ہوتا ہے، یہ معدے کیلئے ہلکا اور جلد ہضم ہو جاتا ہے۔ ([8]) * گوشت جسم کو پروٹین، آئرن، وٹامنB وغیرہ مہیا کرتا ہے اور وٹامن A اورB ہڈّیوں، دانتوں، آنکھوں، دماغ اور جِلد کے لئے مفید
[1]...معجم اوسط، جلد:7، صفحہ:271۔
[2]...ابو داود، کتاب الاطعمۃ، باب فی اکل اللحم، صفحہ:597، حدیث:3778۔
[3]...المواہب اللدنیہ، المقصد الثالث، الفصل الثالث...الخ، النوع الاول...الخ، جلد:2، صفحہ:128 ۔
[4]...المواہب اللدنیہ، المقصد الثالث، الفصل الثالث...الخ، النوع الاول...الخ، جلد:2، صفحہ:130 ۔
[5]...مسند امام احمد، مسند النساء، جلد:11، صفحہ:168، حدیث:27790۔
[6]...ترمذی، کتب الاطعمۃ، باب ماجاء ای اللحم...الخ، صفحہ:455، حدیث:1837۔
[7]...بخاری، کتاب احادیث الانبیا، باب قول اللہ تعالیٰ وَلَقَدْ اَرْسَلْنَا ...الخ، صفحہ:851، حدیث:3340۔
[8]... المواہب اللدنیہ، المقصد الثالث، الفصل الثالث...الخ، النوع الاول...الخ، جلد:2، صفحہ:129 ۔