اوس وګورئ! دلته خو د عمل کمے دے خو ورسره ورسره د عِلم کمے هم ډير زيات دے، کيدے شي چې پۀ مونږ کښې هم داسې ډير خلق وي چې هغوئي ته د اشراق، څاخت او د اوبين عِلم نه وي چې دا کوم نـمونځونه دي۔ حالانکې اوابين ته د صالحين (يعنې د نيکانو خلقو نـمونځ) وئيلے شوے دے۔ حالانکې پۀ قرآنِ کريم کښې د اوابين د نـمونځ کوونکو پۀ باره کښې فرمائيلے شوي دي:

فَلَا تَعْلَمُ نَفْسٌ مَّاۤ اُخْفِیَ لَهُمْ مِّنْ قُرَّةِ اَعْیُنٍۚ-جَزَآءًۢ بِمَا كَانُوْا یَعْمَلُوْنَ(۱۷) (پارہ:21، سورۂ سجدہ:17)

[مفهوم] ترجمهٴ کنزُ العِرفان: نو يو کس ته نه دے معلوم هٰغه د سترګو يخوالے کوم چې د هغوئي د پاره د هغوئي د اعمالو پۀ بدله کښې پټ ساتلے شوے دے۔

څومره ښکلې جزاء ده، څومره ښکلے انعام دے، کوم خلق چې د اوابين نـمونځ کوي، د هغوئي د پاره الله پاک داسې نعمتونه تيار کړي دي، د کومو پۀ ليدو چې به سترګې يخې شي۔ اوس دا د اوابين نـمونځ څۀ وي؟ د اِشراق او د څاخت نـمونځ کوم يو دے؟ پۀ مَدَني قافله کښې سفر وکړئ! اِنْ شَآءَ اللہُ الْکَرِیم! د دې نـمونځونو معلومات به هم حاصل شي او ورسره ورسره به د دې نـمونځونو کولو سعادت هم درنصيب شي۔

د نيکو زياتولو ذريعه

د خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم فرمان مبارک دے: اِنَّ الدَّآلَّ عَلَی الْخَیْرِ کَفَاعِلِهٖ يعني د نيکۍ لار ښودونکے د نيکۍ کوونکي پۀ شان دے۔ ^([1]) د قرآنِ کريم مشهور