Book Name:Rah e Khuda Mein Safar Ke Fazail
رسولِ ذِيشان، مکي مَدَني سلطان صَلَّى اللهُ عَلَيْهِ وَاٰلِهٖ وَسَلَّم وفرمائيل: پۀ يو بنده باندې د خُدائے د لارې دوړه او د دوزخ لوګے جمع کيدے نشي۔
د قرآنِ کريم مشهور مفسر، حکيم الاُمّت مفتي احمد يار خان نعيمي رَحْمَةُ اللهِ عَلَيْه د دې حديثِ پاک پۀ شرح کښې فرمائي: د خُدائے پۀ لاره کښې دوړه هٰغه دوړه ده څوک چې د رَبّ د رضا د پاره پۀ لار کښې لاړ شي او هلته دوړه پۀ بدن يا پۀ جامو يا پۀ ښپو يا پۀ مخ باندې پريوځي۔ د حديثِ پاک معنیٰ دا ده چې لکه څنګه چې دوه متضاد څيزونه نشي جمع کيدے (مثلاً وور او اوبه نشي يو ځائے کيدے) هم داسې الله پاک د خدائے د لارې دوړه او د دوزخ لوګے پۀ خپل مينځ کښې متضاد جوړ کړي دي۔ دا دواړه پۀ يو ځائے کښې نشي جمع کيدے۔
خوږ نبي، ښه نبي، رښتوني نبي، رسولِ هاشمي صَلَّى اللهُ عَلَيْهِ وَاٰلِهٖ وَسَلَّم وفرمائيل: مسافر د الله پاک محبوب بندګان وي۔ پوښتنه وشوه: کوم مسافر۔۔۔؟ اوئې فرمائيل: هغۀ کوم چې د خپل دِين د پاره د دلته نه هلته، د هلته نه دلته سفر کوي، د قيامت پۀ ورځ به هغوئي د حضرت عيسیٰ عَلَیْهِ السَّلَام سره پۀ خوا کښې جمع کولے شي۔ (زهد لابن مبارک)
سُبْحٰنَ اللہ! خوږو او محترمو اِسلامي وروڼو! د خُدائے پۀ لاره کښې د سفر کوونکو څومره ښکلے شان دے۔۔۔!! د الله پاک د نبي حضرت عيسیٰ عَلَیْهِ السَّلَام دا خصوصي شان دے چې هغوئي پۀ دُنيا کښې د ځان د پاره هيڅ کور نه وو جوړ کړے، هميشه به يـې د خُدائے پۀ لاره کښې سفر کولو، خلقو له به يـې د نيکۍ دعوت ورکولو، يو ځل د هغوئي