والدینِ نبی!                                                   جنّتی! جنّتی!                                         ہر زوجۂ نبی!                                                        جنّتی! جنّتی!

اور ابو سُفیان بھی!                  جنّتی! جنّتی!                                         ہیں مُعَاوِیہ بھی!                                        جنّتی!   جنّتی!^([1])

 مُعَاوِیہ!میں تم سے ہوں، تم مجھ سے ہو

 ایک روایت میں ہے:حضرت عبد اللہ بن عمر    رَضِیَ اللہُ عنہما   فرماتے ہیں: پیارے آقا، مکی مدنی مصطفےٰ   صَلَّی اللہُ عَلَیْہِ وَ آلِہٖ وَ سَلَّم    نے حضرت امیر مُعَاوِیہ   رَضِیَ اللہُ عنہ  کو فرمایا: معاویہ! میں تم سے ہوں اور تم مجھ سے ہو، پھر آپ   صَلَّی اللہُ عَلَیْہِ وَ آلِہٖ وَ سَلَّم    نے 2 انگلیوں کو ملا کر فرمایا: جنّت کے دروازے پر تُم میرے ساتھ اس طرح ہو گے۔^([2])

کاتِبِ وحیِ خُدا ہیں اِذْن سے سرکار کے                  اور قطعی جنّتی بھی ہیں بفرمانِ رسول

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

اپنی تعظیم پسند نہ فرماتے

ایک مرتبہ حضرت امیر مُعَاوِیہ   رَضِیَ اللہُ عنہ  حضرت عبد اللہ بن عامِر اور حضرت عبد اللہ بن زبیر کے پاس تشریف لائے،

ہمارے ہاں بھی ہوتا ہے کہ کوئی بزرگ تشریف لائیں تو ہم  تعظیم کے لئے کھڑے ہو جاتے ہیں، چنانچہ حضرت امیر مُعَاوِیہ   رَضِیَ اللہُ عنہ  کو آتے دیکھ کر حضرت عبد اللہ بِن عامِر   رَضِیَ اللہُ عنہ  کھڑے ہو گئے۔  اس پر حضرت امیر مُعَاوِیہ   رَضِیَ اللہُ عنہ   نےعاجزی کرتے ہوئے فرمایا: بیٹھے رہو!بےشک میں نے رسولُ اللہ    صَلَّی اللہُ عَلَیْہِ وَ آلِہٖ وَ سَلَّم    کوفرماتے سنا: جو شخص اس بات کو پسند کرےکہ لوگ اس کی تعظیم کیلئے کھڑے ہوں تو وہ اپنا ٹھکانہ جہنم بنالے۔^([3])