حدیثِ پاک میں ہے: جو کوئی مسلمانوں کی مدد کرنا ایسی جگہ چھوڑدیتاہے جہاں اس کی بے عزّتی ہو رہی ہو تو اللہ پاک اس شخص کی مدد بھی ایسی جگہ نہیں فرماتا جہاں وہ مدد کا طلب گار ہوتاہے، اورجو کسی مسلمان کی ایسی جگہ مددکرتاہے جہاں اسکی بے عزّتی ہورہی ہو تو اللہ پاک اس (مددگار) کی ایسی جگہ مدد فرماتاہے جہاں وہ مدد   کا طلب گار ہوتا ہے۔^([1])

تو غیبت  کی  عادت چھڑا  یاالہٰی!                                                                        بُری  بیٹھکوں  سے  بچا  یاالہٰی!

ہو بیزار  دل تہمتوں  چغلیوں سے                                                         مجھے   نیک   بندہ   بنا   یاالہٰی!

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

اللہ و رسول مُعَاوِیہ سے محبّت  کرتے ہیں

پیارے اسلامی بھائیو! حضرت امیر مُعَاوِیہ   رَضِیَ اللہُ عنہ    بہت شان والے صحابی ہیں۔ تاریخ مدینہ دِمَشْق میں ہے، ایک دِن پیارے آقا، محبوبِ خُدا   صَلَّی اللہُ عَلَیْہِ وَ آلِہٖ وَ سَلَّم    مسلمانوں کی پیاری امّی جان حضرت اُمِّ حبیبہ     رَضِیَ اللہُ عنہا   کے ہاں تشریف لائے، اس وقت حضرت امیر مُعَاوِیہ   رَضِیَ اللہُ عنہ  بھی وہیں تھے اور آپ کی پیاری بہن یعنی حضرت اُمِّ حبیبہ     رَضِیَ اللہُ عنہا   ان کے سَر میں کنگھی کر رہی تھیں، بہن بھائی کا یہ پیار بھرا انداز دیکھ کر  اللہ پاک کے پیارے نبی، مکی مدنی، مُحَمَّد عربی   صَلَّی اللہُ عَلَیْہِ وَ آلِہٖ وَ سَلَّم    نے فرمایا: اے اُمِّ حبیبہ! کیا تم مُعَاوِیہ سے محبت کرتی ہو؟ عرض کیا: یہ میرے بھائی ہیں، بھلا ان سے محبت کیوں نہ ہو گی؟ مالِکِ جنّت، صاحبِ کوثَر   صَلَّی اللہُ عَلَیْہِ وَ آلِہٖ وَ سَلَّم   نے فرمایا: اللہ و رسول بھی مُعَاوِیہ سے محبت کرتے ہیں۔^([2])

ایک اور روایت میں ہے: سرکارِ عالی وقار، مکی مدنی تاجدار   صَلَّی اللہُ عَلَیْہِ وَ آلِہٖ وَ سَلَّم    نے