فرمایا: اے اُمِّ حبیبہ! مُعَاوِیہ سے محبّت  کرو! بے شک میں مُعَاوِیہ سے محبّت  کرتا ہوں اور میں اُس شخص سے بھی محبّت  کرتا ہوں،  جو مُعَاوِیہ سے محبّت  رکھتا ہے، جبرائیل بھی مُعَاوِیہ سے محبّت  کرتے ہیں، میکائیل بھی مُعَاوِیہ سے محبّت  رکھتے ہیں اور اے اُمِّ حبیبہ! جبرائیل و میکائیل علیہما السَّلام   کی محبّت  سے بڑھ کر اللہ پاک بھی ان سے محبت فرماتا ہے۔^([1])

 مُعَاوِیہ کے پیار سے ہمارا بیڑا پار ہے                          گناہ بخشوائے گی شفاعتِ معاویہ

جو عاشقِ رسول ہیں وہ ان سے پیار کرتے ہیں   فقط منافقوں کو ہے عداوتِ معاویہ

3 مرتبہ جنّت کی بِشَارت

حضرت عبد اللہ بن عمر    رَضِیَ اللہُ عنہما  سے روایت ہے، غیب جاننے والے نبی، رسولِ ہاشمی   صَلَّی اللہُ عَلَیْہِ وَ آلِہٖ وَ سَلَّم    نے فرمایا: ابھی تمہارے پاس ایک جنّتی شخص آئے گا۔ اس وقت حضرت امیر مُعَاوِیہ   رَضِیَ اللہُ عنہ  حاضِر ہوئے، دوسرے دِن پھر ارشاد فرمایا: ابھی تمہارے پاس ایک جنّتی شخص آئے گا، اس دِن بھی حضرت امیر مُعَاوِیہ   رَضِیَ اللہُ عنہ  حاضِر ہوئے، تیسرے دِن پھر ارشاد فرمایا: ابھی تمہارے پاس ایک جنّتی شخص آئے گا۔ (سُبْحٰنَ اللہ !) تیسرے دِن بھی حضرت امیر مُعَاوِیہ   رَضِیَ اللہُ عنہ  ہی حاضِر ہوئے۔ ^([2])

ہر صحابیِ نبی!                                              جنّتی! جنّتی!                                         سب صحابیات بھی!               جنّتی! جنّتی!

چار یارانِ نبی!                                      جنّتی! جنّتی!                                         حضرت صدیق بھی!                    جنّتی! جنّتی!

اور عمر فاروق بھی!              جنّتی! جنّتی!                                         عثمان غنی!                                                           جنّتی! جنّتی!

فاطمہ اور علی!                                           جنّتی! جنّتی!                                         ہیں حسن حسین بھی!                   جنّتی! جنّتی!