بات پر نہیں کیا بلکہ مجھے تو اللہ پاک کا یہ فرمان یاد آگیا تھا کہ

وَ اِذَا قِیْلَ لَهُ اتَّقِ اللّٰهَ اَخَذَتْهُ الْعِزَّةُ بِالْاِثْمِ (پارہ:2، سورۂ بقرہ:206)

تَرْجمۂ کَنْزُالعِرْفان: اور جب اس سے کہا جائے کہ اللہ سے ڈرو تو اسے ضد مزید گناہ پر ابھارتی ہے۔

پس میں نے حق بات قبول کی اور سجدہ کر کے اللہ پاک سے ڈرنے کا عملاً اظہار کیا۔ ^([1])

کاش! ہماری بھی ایسی عادَت بنے، جب بھی کوئی آیت سنیں، حدیثِ پاک سُنیں، نیکی کی بات سُنیں، جہاں تک ممکن ہو، اس پر جلد از جلد عَمَل کر لینے کی عادَت بنائیں۔ اِنْ شَآءَ اللہُ الْکَرِیْم! برکتیں ملیں گی۔

سایۂ عرش کی طرف جلدی بڑھنے والا

مسلمانوں کی پیاری اَمِّی جان حضرت عائشہ صدیقہ طیبہ طاہِرہ     رَضِیَ اللہُ عنہا   سے روایت ہے، ایک دِن پیارے آقا، مکی مدنی مصطفےٰ   صَلَّی اللہُ عَلَیْہِ وَ آلِہٖ وَ سَلَّم   نے فرمایا: کیا تم جانتے ہو کہ قیامت کے دِن عرشِ اِلٰہی کے سائے کی طرف جلدی بڑھنے والا کون ہو گا؟ صحابۂ کرام     رَضِیَ اللہُ عنہم     نے عرض کیا: اللہ و رسول خُوب جانتے ہیں۔ فرمایا: وہ لوگ کہ جب حق دئیے جائیں تو اسے قبول کر لیں۔^([2])

مَشْہُور مُفَسّرِ قرآن مفتی احمد یار خان نعیمی رَحمۃُ اللہِ عَلَیْہ لکھتے ہیں: اس کا ایک معنیٰ یہ ہے کہ وہ لوگ کہ جب کوئی انہیں حق بات سُنائے تو اسے قبول کر لیں اور سُنانے والے کا احسان مانیں، اسے قبول کرنے میں شرم محسوس نہ کریں، وہ لوگ عرشِ اِلٰہی کے سائے میں جلدی پہنچ جائیں گے۔ ^([3])