اَلْحَمْدُ لِلّٰہِ رَبِّ الْعٰلَمِیْنَ وَ الصَّلٰوۃُ وَالسَّلَامُ عَلٰی سَیِّدِ الْمُرْسَلِیْنَ ^ط

اَمَّا بَعْدُ فَاَعُوْذُ بِاللّٰہِ مِنَ الشَّیْطٰنِ الرَّجِیْمِ ^ط  بِسْمِ اللہِ الرَّحْمٰنِ الرَّ حِیْم ^ط

اَلصَّلٰوۃُ وَ السَّلَامُ عَلَیْكَ یَا رَسُولَ اللہ                                                                                       وَعَلٰی اٰلِكَ وَ اَصْحٰبِكَ یَا حَبِیْبَ اللہ

اَلصَّلٰوۃُ وَ السَّلَامُ عَلَیْكَ یَا نَبِیَّ اللہ                                                       وَعَلٰی اٰلِكَ وَ اَصْحٰبِكَ یَا نُوْرَ اللہ

نَـوَیْتُ سُنَّتَ الاعْتِکَاف                                (ترجمو: مون سنّتِ اعتڪاف جي نيّت ڪئي)

درودِ پاڪ جي فضيلت

هڪ ڀيري رسول اڪرم صَلَّى اللّٰهُ عَلَيۡهِ واٰلِهٖ وَسَلَّم : تشريف فرما هئا، صحابه ڪرام
 عَلَيۡهِم الرِّضْوَان به حاضر هئا، محفلِ نور سجيل هئي، ايتري ۾ هڪ صحابي رسول حاضر ٿيو، عرض ڪيائين: يارسول الله صَلَّى اللّٰهُ عَلَيۡهِ واٰلِهٖ وَسَلَّم ! مَا اَقْرَبُ الْاَعْمَالِ اِلَی اللہِ؟ الله پاڪ جو وڌيڪ قرب ڏيارڻ وارو عمل ڪهڙو آهي؟ فرمايائون: صِدْقُ الْحَدِیْثِ وَ اَدَاءُ الْاَمَانَۃِ سچي ڳالھ چوڻ ۽ امانت ادا ڪرڻ. عرض ڪيائين: يارسول الله صَلَّى اللّٰهُ عَلَيۡهِ واٰلِهٖ وَسَلَّم ! زِدْنَا يعني وڌيڪ اعمال ارشاد فرمايو! فرمايائون: صَلَاۃُ اللَّیْلِ وَ صَوْمُ الْہَوَاجِر ِ يعني رات جو نماز پڙهڻ ۽ گرمي ۾ روزا رکڻ (الله پاڪ جو قرب ڏيارڻ وارا عمل آهن) صحابي رَضِىَ اللهُ عَنْهُ وري عرض ڪيو: زِدْنَا يارسول الله صَلَّى اللّٰهُ عَلَيۡهِ واٰلِهٖ وَسَلَّم ! اڃا وڌيڪ ارشاد فرمايو! فرمايائون: کَثْرَۃُ الذِّکْرِ يعني الله پاڪ جو ڪثرت سان ذڪر ڪرڻ به قربِ خدا ڏيارڻ وارو عمل آهي، وڌيڪ ارشاد فرمايائون: وَالصَّلَاۃُ عَلَیَّ تَنْفِی الْفَقْرَ ۽ مون تي درود شريف پڙهڻ ( قرب الٰهي ڏيارڻ وارو عمل به آهي ۽ گڏوگڏ) محتاجي کي به دور ڪري ڇڏيندو آهي.

 (مسالک الحنفا،المطلب الخامس،الفصل الثانی فی فوائد الصلاۃ علی النبی...الخ،صفحہ:178۔)