کیا ؛تو ایک شخص نے عرض کی: جی ہاں یا رسولَ اللہ صَلَّی اللہُ عَلَیْہِ وَ آلِہٖ وَ سَلَّم   ہمیں ہمارے بُرے بھلوں کی خبر دیجئے! فرمایا : تمہارا بھلا وہ شخص ہے جس سے خیرکی اُمِّید کی جائے اور اس کے شَر سے اَمْن ہو ، اور تمہارا بُرا وہ شخص ہے جس سے خیر کی اُمید نہ کی جائے اور اس کے شر سے امن نہ ہو ۔^([1])

پیارے اسلامی بھائیو! قاعِدہ کلیہ محبوبِ ذیشان صَلَّی اللہُ عَلَیْہِ وَ آلِہٖ وَ سَلَّم نے بتا دیا ہے، اب غور ہم خود کر لیں، کیا ہم ایسے ہیں کہ لوگ ہم  سے خیر کی اُمّید رکھتے ہوں اور ہمارے شر سے محفوظ ہوں، اگر ایسا ہے تو اللہ پاک کا شکر ادا کرنا چاہئے، اگر ایسا نہیں ہے تو ڈرنا چاہئے۔ 

وہ ایمان والا نہیں ہو سکتا جو...!!

ایک مرتبہ اللہ پاک کے آخری نبی،رسولِ ہاشمی صَلَّی اللہُ عَلَیْہِ وَ آلِہٖ وَ سَلَّم نے 3 بار اللہ پاک کی قسم اُٹھائی، فرمایا:  وَاللہِ لَایُؤْمِنُ  اللہ کی قسم! وہ مؤمن نہیں ہو سکتا وَاللہِ لَایُؤْمِنُ  اللہ کی قسم! وہ مؤمن نہیں ہو سکتا  وَاللہِ لَایُؤْمِنُ   اللہ کی قسم! وہ مؤمن نہیں ہو سکتا۔ صحابہ کرام رَضِیَ اللہُ عنہم  نے عرض کیا: یا رسولَ اللہ صَلَّی اللہُ عَلَیْہِ وَ آلِہٖ وَ سَلَّم  کون مؤمن نہیں ہو سکتا؟ فرمایا: اَلَّذِیْ لَا یَاْمَنُ جَارُہٗ بَوَائِقَہٗ وہ جس کا پڑوسی اس کے شر سے محفوظ نہ ہو۔^([2])

خیر خواہ ہم بھی پڑوسی کے بنیں                                                           یہ کرم یا مصطفےٰ فرمائیے!

نعمتِ اخلاق کر دیجئے عطا                                                                                         یہ کرم یا مصطفےٰ فرمائیے!

پڑوسی کو ایذا دینے والی عبادت گزار عورت

امام بُخاری رَحمۃُ اللہِ عَلَیْہ نے حدیثِ پاک نقل فرمائی کہ ایک مرتبہ اللہ پاک کے