نهايت خوبصورت رسالو ”تاجرن لاءِ ڪم جون ڳالهيون“مڪتبة المدينه کان خريد ڪيو ۽ پڙهو ! اِنْ شَآءَ اللهُ الْڪَرِيم!  خريد و فروخت بابت گهڻو ڪجهه سکڻ لاءِ ملندو. * هڪ مشورو هي به آهي ته دارُ الافتا اهلِ سنت جو نمبر پاڻ وٽ محفوظ ڪري رکو! جڏهن به ڪو مسئلو درپيش اچي يا ڪنهن خاص صورت ۾ شرعي رهنمائي وٺڻ جي ضرورت پئي ته مفتيانِ ڪرام سان رابطو ڪري رهنمائي حاصل ڪريو ! اِنْ شَآءَ اللهُ الْڪَرِيم!  ڪيترن ئي گناهن کان بچي ويندؤ ۽ علمِ دين جو وڏو خزانو به حاصل ٿيندو.

دارُالافتا اهلِسنت جو نمبر: 03113993312-13

صَلُّوْا عَلَی الْحَبِیْب! صَلَّی اللہُ عَلٰی مُحَمَّد

(2) نيت جي اهميت

 پيارا اسلامي ڀائرو! اسان هڪ حديث پاڪ ٻڌي، جنهن ۾ رسولِ ڪريم  صَلَّى اللّٰهُ عَلَيۡهِ واٰلِهٖ وَسَلَّم جن فرمايو: دنيا چئن ماڻهن لاءِ آهي، جن ۾ ٻن اميرن ۽ ٻن غريبن جو ذڪر ڪيو ويو.

* هڪ غريب متعلق فرمايو: هي به مالدار عالِم وانگر افضل رتبي وارو آهي.
*  ٻئي غريب متعلق فرمايو:  هي بي علم مالدار وانگر بدترين درجي  وارو آهي.

هتي به غور ڪيو! آهن ٻئي غريب، پر سندن انجام ۾ زمين آسمان جو فرق آهي. هڪ غريب افضل رتبي وارو آهي، جڏهن ته ٻيو غريب بدترين درجي وارو آهي، انهن ٻنهي ۾ فرق ڪهڙي شيءِ پيدا ڪري رهي  آهي؟ نيت. * هڪ غريب، جنهن کي الله پاڪ مال نه ڏنو پر علمِ دين عطا ڪيو، اهو چڱائي ۽ برائي جي سڃاڻپ رکي ٿو. ان بابت فرمايو ويو: فَهُوَ صَادِقُ النِّيَّةِ يعني اهو غريب عالِم سچي نيت وارو آهي. ان جي سچي نيت ئي کيس مالدار عالِم جي درجي تي