اے عاشقان ِ رسول! اچھّی اچھّی نیّتوں سے عمل کا ثواب بڑھ جاتا ہے۔ آئیے! بیان سننے سے پہلے کچھ اچھّی اچھّی نیّتیں کر لیتے ہیں، نیت کیجئے!*رضائے الٰہی کے لئے بیان سُنوں گا*بااَدَب بیٹھوں گا*خوب تَوَجُّہ سے بیان سُنوں گا*جو سُنوں گا، اُسے یاد رکھنے، خُود عمل کرنے اور دوسروں تک پہنچانے کی کوشش کروں گا۔

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

30 نیکیوں والا عمل

صحابئ رسول حضرت عمران بن حُصَین  رَضِیَ اللہُ عنہ  فرماتے ہیں: ایک مرتبہ محفلِ نُور سجی ہوئی تھی، اللہ پاک کے سب سے آخری نبی، مُحَمَّدِعربی صَلَّی اللہُ عَلَیْہِ وَ آلِہٖ وَسَلَّم تشریف فرما تھے، صحابۂ کرام  رَضِیَ اللہُ عنہم بھی حاضِر خِدْمت تھے، اتنے میں ایک شخص آیا، اس نے کہا: اَلسَّلَامُ عَلَیْکُمْ! پیارے مَحْبُوب صَلَّی اللہُ عَلَیْہِ وَ آلِہٖ وَسَلَّم نے (جوابِ سلام کے بعد) فرمایا: عَشْرٌ یعنی اس کے لئے 10 نیکیاں ہیں۔ کچھ دیر کے بعد ایک اور شخص حاضِر ہوا، اس نے کہا: اَلسَّلَامُ عَلَیْکُمْ وَرَحْمَۃُ اللہِ ۔ پیارے مَحْبُوب  صَلَّی اللہُ عَلَیْہِ وَ آلِہٖ وَ سَلَّم  نے فرمایا: عِشْرُوْن یعنی اس کے لئے 20 نیکیاں ہیں۔ کچھ دَیْر کے بعد ایک اور شخص حاضِر ہوا، اس نے کہا: اَلسَّلَامُ عَلَیْکُمْ وَرَحْمَۃُ اللہِ وَبَرَکَاتُہٗ! اس پر آپ صَلَّی اللہُ عَلَیْہِ وَ آلِہٖ وَسَلَّم نے فرمایا: ثَلَاثُوْنَ یعنی اس کے لئے 30 نیکیاں ہیں۔^([1])

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

ذرا سی تَوَجُّہ اور 30 نیکیاں

سُبْحٰنَ اللہ! پیارے اسلامی بھائیو! کیسی پیاری بات ہے...!! اللہُ رَبُّ الْعَالَمِیْن کا ہم