باجماعت نماز جو ثواب

   امام فقيه ابو اللّيث سمرقندي رَحْمَةُ اللهِ عَلَيْه (تابعي بزرگ) حضرت ڪعبُ الاحبار رَضِىَ اللهُ عَنْه کان نقل ڪيو آهي ته انهن فرمايو: مون تورات جي ڪنهن مقام تي پڙهيو (الله پاڪ فرمائي ٿو): اي موسٰي! فجر جون 2 رڪعتون احمد (هتي احمد مان مُراد، الله پاڪ جا پيارا نبي، حضور مڪي مدني آهن) ۽ انهن جي امّت ادا ڪندي، جيڪو انهن کي پڙهندو ان جا ان ڏينهن رات جا گناھ بخشي ڇڏيندُس ۽ اهو منهنجي ذمي ۾ هوندو. اي موسٰي! ظهر جون 4 رڪعتون احمد ۽ ان جي امّت پڙهندي انهن کي پهرين رڪعت جي عيوض (يعني بدلي ۾) بخشي ڇڏيندس ۽ ٻيءَ جي بدلي ۾ انهن (جي نيڪين) جو پُڙ وزني ڪري ڇڏيندس ۽ ٽئين جي لاءِ ملائڪ يعني مقرر ڪندُس ته تسبيح (يعني الله پاڪ جي پاڪائي بيان) ڪندا ۽ انهن جي لاءِ مغفرت جي دعا ڪندا رهندا ۽ چوٿين جي بدلي انهن جي لاءِ آسمان جا دروازا ڪُشاده ڪري ڇڏيندس، وڏين وڏين اکين واريون حورون انهن تي شوق ڀريون نظرون وجهنديون. اي موسٰي! عصر جون 4 رڪعتون احمد (صَلَّى اللّٰهُ عَلَيۡهِ واٰلِهٖ وَسَلَّمَ) ۽ انهن جي امّت ادا ڪندي ته ستن آسمانن ۽ زمين ۾ ڪو ملائڪ باقي نه بچندو، سڀ ئي انهن جي مغفرت گهرندا ۽ ملائڪ جنهن جي مغفرت گهرن مان ان کي هرگز عذاب نه ڏيندس. اي موسٰي! مغرب جون 3 رڪعتون آهن، انهن کي احمد (صَلَّى اللّٰهُ عَلَيۡهِ واٰلِهٖ وَسَلَّمَ) ۽ سندن امّت پڙهندي (ته) آسمانن جا سمورا دروازا انهن جي لاءِ کولي ڇڏيندس، جنهن حاجت جو سوال ڪندا ان کي پورو ڪندس. اي موسٰي! عشاء جون 4 رڪعتون آهن، انهن کي احمد (صَلَّى اللّٰهُ عَلَيۡهِ واٰلِهٖ وَسَلَّمَ) ۽ انهن جي امّت پڙهندي ته هي انهن جي لاءِ دنيا ۽ ان جي هر شيءِ کان بهتر آهن، اهي هنن کي گناھن کان ايئن ڪڍي ڇڏينديون، جيئن پنهنجي ماءُ جي پيٽ مان پيدا ٿيا. اي موسٰي! جڏهن احمد (صَلَّى اللّٰهُ عَلَيۡهِ واٰلِهٖ وَسَلَّمَ) ۽ انهن جي امّت وضو ڪندي ته مان هر ڦُڙي جي بدلي اهڙي جنّت عطا فرمائيندس