Book Name:Din Raat Kesay Guzarain
سُـبْحٰـنَ الـلّٰــه پيارا اسلامي ڀائرو! غور فرمايو! هي فجر ۽ عصر جا وقت ڪهڙا ته بابرڪت آهن. لهٰذا هي ٻئي وقتَ نيڪ ڪمن ۾ گذاريو!
ڪوشش ڪيو ته نمازِ فجر جو وقت شروع ٿيڻ کان گهٽ ۾ گهٽ اڌ ڪلاڪ پهريان (يعني سحري جي وقت) اٿي وڃو، نمازِ تهجد ادا فرمايو. ذڪر و درود ۾ مصروف رهو، ان وقت درودِ پاڪ پڙهڻ، خاص طور اِسۡتِغفار (مثال طور اَسْتَغْفِرُ اللہ!) پڙهڻ جون تمام گهڻيون برڪتون آهن.
هڪ صحابي (رَضِىَ اللهُ عَنْه) حضور اڪرم صَلَّى اللّٰهُ عَلَيۡهِ واٰلِهٖ وَسَلَّمَ جي خدمت ۾ حاضر ٿيو ۽ عرض ڪيائون: يارسولَ الله (صَلَّى اللّٰهُ عَلَيۡهِ واٰلِهٖ وَسَلَّمَ)! دنيا مون کان منهن ڦيري ورتو، پياري آقا، مديني واري مصطفٰي صَلَّى اللّٰهُ عَلَيۡهِ واٰلِهٖ وَسَلَّمَ فرمايو: ڇا اها تسبيح توکي ياد ناهي؟ جيڪا تسبيح ملائڪن جي آهي ۽ جنهن جي برڪت سان روزي ڏني ويندي آهي، خلقِ دنيا تو وٽ ذليل ۽ خوار ٿي ڪري ايندي، طلوعِ فجر جي وقت 100 ڀيرا پڙهندو ڪر سُبْحٰنَ اللہ وَبِحَمْدِہٖ سُبْحٰنَ اللہ الْعَظِیْمِ وَ بِحَمْدِہٖ اَسْتَغْفِرُاللہ ان صحابي رَضِىَ اللهُ عَنْه کي 7 ڏينهن گذريا هئا ته خدمتِ اقدس ۾ حاضر ٿي ڪري عرض ڪيائين: يارسولَ الله(صَلَّى اللّٰهُ عَلَيۡهِ واٰلِهٖ وَسَلَّمَ)! دنيا موٽ وٽ ايتري ڪثرت سان آئي، مان حيران آهيان ڪٿان کڻان ۽ ڪٿي رکان!
لسان المیزان، حرف العین، جلد:4، صفحہ:304،حدیث:5100، ملفوظات اعلیٰ حضرت، صفحہ:128۔
الله پاڪ نيڪ ماڻهن جو هي وصف بيان فرمايو آهي:
وَ بِالۡاَسۡحَارِ ھُمۡ یَسۡتَغۡفِرُوۡنَ (۱۸) (سيپارو: 26، سورة ذاريات: آيت: 18)
ترجموڪنزالعرفان: ۽ رات جي آخري پهرن ۾ بخشش گهرندا هئا.