Book Name:Pul Sirat Ke 7 Marahil
بےنمازی جہنّم کا حق دار ہے بھائیو! تم کبھی چھوڑنا مت نماز
قبر میں سانپ بچھو لپٹ جائیں گے بھائیو! تم کبھی چھوڑنا مت نماز
سہہ سکو گے نہ دوزخ کا ہرگز عذاب بھائیو! تم کبھی چھوڑنا مت نماز
دیکھو! اللہ ناراض ہو جائے گا بھائیو! تم کبھی چھوڑنا مت نماز
یاخُدا! تجھ سے عطار کی ہے دُعا مصطفےٰ کی پڑھے پیاری اُمّت نماز
صَلُّوْا عَلَی الْحَبِیْب! صَلَّی اللہُ عَلٰی مُحَمَّد
بے نَمازی کی 3شامَتیں
منقول ہے: قیامت والے دن وہ ( یعنی نماز کے مُعاملے میں سُستی کرنے والا) اِس حال میں آئے گا کہ اُس کے چہرے پر 3 لائنیں لکھی ہوں گی: (1): اے اللہ کا حق برباد کرنے والے! (2):اے اللہ کے غضب کے ساتھ مَخْصُوص(یعنی یہ بندہ اللہ پاک کے غضب کا حق دار ہے)! (3):جس طرح دُنیا میں تونے اللہ پاک کا حق ضائع کیا اِسی طرح آج تو بھی اللہ پاک کی رَحمت سے مایوس ہو جا۔([1])
آخری نبی ، مکی مَدَنی صَلَّی اللہُ عَلَیْہِ وَ آلِہٖ وَ سَلَّم معراج کی رات ایسے لوگوں کے پاس تشریف لے گئے جن کے سر پتھر سے کچلے جا رہے تھے، جب بھی انہیں کچل لیا جاتا وہ پہلے کی طرح دُرُست ہو جاتے اوریہ سلسلہ یوں ہی چلتا رہتا تو آپ صَلَّی اللہُ عَلَیْہِ وَ آلِہٖ وَ سَلَّم نے پوچھا: اے جبرائیل!یہ کون ہیں ؟ عرض کی: یہ وہ لوگ ہیں جن کے سر نمازپڑھنے سے