Book Name:Pul Sirat Ke 7 Marahil
رہے ہوتے ہیں۔ کاش! ہم سمجھ پائیں کہ پڑوسیوں کا معاملہ کتنا حُسَّاس ہے۔
خیر خواہ ہم بھی پڑوسی کے بنیں یہ کرم یا مصطفےٰ فرمائیے!
نعمتِ اخلاق کر دیجئے عطا یہ کرم یا مصطفےٰ فرمائیے!
اللہ پاک ہمیں اچھا پڑوسی بننے کی توفیق عطا فرمائے۔ اٰمِیْن بِجَاہِ خَاتَمِ النَّبِیّٖن صَلَّی اللہُ عَلَیْہِ وَ آلِہٖ وَ سَلَّم
(7):ساتویں مرحلے پر سچ اور جھوٹ کا سوال ہو گا
پیارے اسلامی بھائیو! پُل صِراط کے آخری یعنی 7 وَیں مرحلے پر صِدْق یعنی سچ سے متعلق سُوال ہو گا، یہاں پوچھا جائے گا کہ کیا تُم سچ بولتے تھے؟ اگر جواب ہاں میں ہوا تو پُل صِراط پار ہو جائے گا، اگر بندہ جھوٹا ہوا تو پھنس جائے گا۔ ([1])
لہٰذا سچ کی عادَت بنائیے! ہمیشہ سچ ہی بولا کیجئے! جھوٹ کے خِلاف پکّا پکّا اِعْلانِ جنگ کر دیجئے!
اللہ پاک قرآنِ کریم میں فرماتا ہے:
وَ اجْتَنِبُوْا قَوْلَ الزُّوْرِۙ(۳۰) (پارہ:17، سورۂ حج:30)
تَرْجمۂ کَنْزُالعِرْفان: اور جھوٹی بات سے اجتناب کرو۔
حدیثِ پاک میں ہے: سچ بولنا نیکی ہے اور نیکی جنّت میں لے جاتی ہے اور جھوٹ بولنا