Huroof Milaiye | حروف ملائیے

حروف ملائیے

ماہنامہ فیضانِ مدینہ مارچ 2025

ماہِ رمضان ماہِ قراٰن ہے کہ اسی مہینے میں قراٰن نازل ہوا ۔یوں تو تلاوتِ قراٰن کی بڑی فضیلت اور برکتیں ہیں لیکن ماہِ رمضان میں اس کا ثواب مزید بڑھ جاتا ہے۔ لہٰذا اس مقدس مہینے میں آپ بھی تلاوتِ قراٰن زیادہ سے زیادہ کیجئے۔تلاوت کی فضیلت پر دو احادیث پڑھئے: (1) قراٰن پڑھو کیونکہ وہ قیامت کے دن اپنے پڑھنے والوں  کے لئے شفاعت کرنے والاہوکر آئے گا۔ (مسلم، ص314،حدیث:1874) (2) میری اُمَّت کی افضل عبادت تلاوتِ قراٰن ہے۔(شعب الایمان ،2 /354، حدیث:2022)    تلاوت کے چند آداب بھی پڑھ لیجئے: *قراٰنِ پاک کو اچّھی آواز سے اور ٹھہر ٹھہر کر پڑھنا سنّت ہے۔(احیاء العلوم، 1 / 371) *باوُضو قبلہ کی جانب رُخ کرکے اچھے کپڑے پہن کر تلاوت کیجئے۔* قر اٰنِ کریم کی تلاوت کے وقت رونا مستحب ہے۔(صراط الجنان، 5/256) ترتیل کےساتھ اطمینان سے اور ٹھہر ٹھہر  کر تلاوت کیجئے۔ (عجائب القرآن ،ص238) *تلاوت کے لئے سب سے افضل وقت سال بھر میں رَمَضان شریف کے آخری دس (10)دن اور ذُوالْحِجَّہ کےابتدائی 10 دن ہیں۔(عجائب القرآن ،ص 239)

پیارے بچّو! آپ نے اوپر سے نیچے، دائیں سے بائیں حروف ملاکر  پانچ الفاظ تلاش کرنے  ہیں جیسے  ٹیبل میں   لفظِ”نازل“ تلاش کر کے بتایا گیا ہے۔ تلاش کئے جانے والے5الفاظ یہ ہیں:(1)رمضان(2)ثواب(3)تلاوت(4)ترتیل(5)شفاعت۔