آقا ڪريم مُشڪل جو  حل ٻڌائي ڇڏيو

   حضرت ابوعلي رَحْمَةُ اللهِ عَلَيْه الله پاڪ جا نيڪ ٻانها هئا، هڪ ڀيري سندن تي ڪا وڏي مُشڪل اچي وئي، انهيءَ فڪر ۽ غم ۾ پريشان رهڻ لڳا، هڪ رات سُتا ته قِسمت جاڳي پئي، امّت جا غمخوار، مڪي مدني سردار صَلَّى اللّٰهُ عَلَيۡهِ واٰلِهٖ وَسَلَّمَ مُشڪل

حل فرمائڻ جي لاءِ خواب ۾ تشريف وٺي آيا. پياري آقا، سَروَرِ انبياء صَلَّى اللّٰهُ عَلَيۡهِ واٰلِهٖ وَسَلَّمَ کيس فرمايو: اي ابو علي! تون يحيٰي بن يحيٰي رَحْمَةُ اللهِ عَلَيْه جي مزار تي وڃ! اتي وڃي اِسۡتغفار ڪر ۽ پنهنجي حاجت پيش ڪر! تنهنجي حاجت پوري ٿي ويندي. حضرت ابو علي رَحْمَةُ اللهِ عَلَيْه فرمائن ٿا: جڏهن صبح ٿيو ته پياري نبي، رسولِ هاشمي صَلَّى اللّٰهُ عَلَيۡهِ واٰلِهٖ وَسَلَّمَ جي فرمان مُطابق يحيٰي بن يحيٰي رَحْمَةُ اللهِ عَلَيْه جي مزار تي حاضر ٿيس ۽ اِستغفار ڪري پنهنجي حاجت پيش ڪئي. الله پاڪ جي ڪرم سان منهنجي حاجت پوري ٿي ۽ منهنجون پريشانيون ختم ٿي ويون،

برڪت واري جاءِ تي نماز پڙهڻ صحابهءِ ڪرام
جو  طريقو  رهيو آهي

 پيارا اسلامي ڀائرو! معراج جي سفر ۾ رسولِ خُدا، احمدِ مُجتبٰي صَلَّى اللّٰهُ عَلَيۡهِ واٰلِهٖ وَسَلَّمَ جن مختلف مقامن تي نماز ادا فرمائي، انهن مان ٽن (3) مقامَن جو اسان ذڪر ٻڌو: (1): مدينو شريف، (2): طور سينا (3): بَيۡتِ لَحۡم. اهي ٽئي مقام ڪهڙا آهن؟ مدينو شريف: اهو مبارڪ شهر جتي ٻنهي جهانن جا آقا، مڪي مدني سلطان صَلَّى اللّٰهُ عَلَيۡهِ واٰلِهٖ وَسَلَّمَ هجرت ڪري تشريف وٺي ويا، جن گهٽين ۾ پاڻ صَلَّى اللّٰهُ عَلَيۡهِ واٰلِهٖ وَسَلَّمَ جا مبارڪ قدم لڳا، جتي اڄ به پاڻ صَلَّى اللّٰهُ عَلَيۡهِ واٰلِهٖ وَسَلَّمَ جو روضو مبارڪ چمڪي رهيو آهي، اهڙيءَ طرح طور سينا: اهو مقام جتي حضرت موسٰي عَلَيهِ السَّلَام تي وحي نازل ٿي، جتي الله پاڪ حضرت موسٰي عَلَيهِ السَّلَام جي لاءِ پنهنجي تجلي نازل فرمائي ۽ ٽيون مقام: بَيتُ الَّحۡم: هي اهو مقام آهي جتي الله پاڪ جي نبي، حضرت عيسٰي عَلَيهِ السَّلَام جي ولادت ٿي. يعني هي ٽئي بابرڪت مقامَ آهن، معراج