وَ قِفُوۡھُمۡ   اِنَّہُمۡ  مَّسۡئُوۡلُوۡنَ ﴿ۙ۲۴﴾

(پارہ:23، سورۀ صفت:24)

ترجموڪنزالعرفان: ۽ انهن کي روڪيو، بيشڪ انهن کان پڇا ڳاڇا ڪئي ويندي.

هتي نماز جي باري ۾ پڇيو ويندو، پوءِ جنهن جون نمازون مڪمل هونديون، اهو پُلِ صراط کان نجات حاصل ڪندو نه ته هلاڪت ۾ پئجي ويندو.^[1]

هاڻي اسان غور ڪيون! ڇا اسان پنجئي وقت نمازون پابندي سان ادا ڪيون ٿا؟
افسوس! افسوس! اڄڪلهه ماڻهن ۾ نماز جي تمام وڏي سستي ملي ٿي. ڪيترائي ته نماز پڙهندا ئي ناهن! جيڪي پڙهندا آهن، انهن مان به ڪجهه ڪڏهن 2، ڪڏهن 4، ته ڪڏهن 5 ئي پڙهي وٺندا آهن. جيڪي پنج وقت جا پڪا نمازي آهن، انهن مان به ڪيترن کي صحيح نموني نماز پڙهڻ ئي ناهي ايندي.

 نمازون پنج ئي فرض آهن

پيارا اسلامي ڀائرو! نمازون 2 يا 4 نه پر پنج ئي فرض آهن. جيڪي ماڻهو 2 يا 4 پڙهي دل کي تسلي ڏئي ڇڏيندا آهن ته اڄ مون ايتريون نمازون پڙهيون آهن، انهن کي خوش ٿيڻ بجاءِ ڊڄڻ گهرجي ته جيڪڏهن 2 پڙهيون آهن ته 3 قضا به ڪري ڇڏيون آهن. اعليٰ حضرت، امامِ اهلِ سنت، امام احمد رضا خان رَحۡمَةُ اللهِ عَلَيۡه فرمائن ٿا:
جنهن ڄاڻي واڻي هڪ وقت جي نماز ڇڏي اهو هزارين سال جهنم ۾ رهڻ جو مستحق ٿيو، جيستائين توبه نه ڪري ۽ ان جي قضا نه پڙهي.^[2]

نماز نه پڙهڻ جو عذاب

پيارا اسلامي ڀائرو! نماز نه پڙهڻ تمام وڏو گناهه آهي. الله پاڪ قرآنِ پاڪ ۾ فرمائي ٿو

فَخَلَفَ مِنۡۢ بَعۡدِہِمۡ خَلۡفٌ اَضَاعُوا الصَّلٰوۃَ وَ اتَّبَعُوا الشَّہَوٰتِ فَسَوۡفَ یَلۡقَوۡنَ  غَیًّا ﴿ۙ۵۹﴾     (پارہ:16 ، سورۀ مریم:59)

ترجمو ڪنزالايمان: پوءِ انهن جي پٺيان انهن جي جاءِ تي اهي نالائق آيا جن نمازون وڃايون ۽ پنهنجي خواهشن جي پٺيان لڳا عنقريب پوءِ اهي دوزخ ۾ ’’غَيّ‘‘ جو جهنگ ڏسندا.